Chyawanprash Hi Aasan Hai | च्यवनप्राश ही आसन है | Indore 2017 | New Song Recorded LIVE HD

0

New Geet of Dr Kumar Vishwas recorded LIVE at Indore Basketball Stadium in 19 Aug, 2017
Tam shashwat hai, raat amar hai
girvi pade ujaale bole
sooraj ko yugdharm sikhate
andhiyaron ke paale bole
cheer haran par maun saadhte
prakhar mukhon ke taale bole
badhiron ke hit racho yug richa
vaani ke rakhwale bole
kaha samasya ne nidaan se
hal na hona hi hal hai
pratidhwaniyan dhaniyon se boli
shant raho, kolahal hai

Samvidhaan se satta boli
hukum udooli jari hai
kaha nyaay ne nirdoshon se
sach kahna beemari hai
kheton se patwari bola
shram par syahi bhari hai
ghuti cheekh se peeda boli
kanth bahut aabhari hai
sarpiniya maniyon se boli
baahar bada halahal hai
pratidhwaniyan dhwaniyon se boli
shant raho, kolahal hai

kheton se colony boli
har kabza anushasan hai
patanjali se kaha yog ne
chyawanprash hi aasan hai
vidur neeti viduron se boli
param satya indrasan hai
matdaata se kaha bhookh ne
loktantra hi raashan hai
sansad ki laachari boli
chuppi cheekhon ka hal hai
pratidhwaniyan dhwaniyon se boli
shant raho, kolahal hai

Dharmraj se trishna boli
yaksh prashn taale jayein
aasteen ne kiya nivedan
kuchh vishdhar paale jaein
ghaat gherte pande bole
sagar tak naame jayein
eklavya se gurukul bole
kate angoothe le jaein
prashn wahi prasangik hai jo
hal ho kar bhi be-hal hai
pratidhwaniyan dwaniyon se boli
shant raho, kolahal hai!

Follow us on :-
YouTube :-
Facebook :-
Twitter :-

LEAVE A REPLY

Please enter your comment!
Please enter your name here